Мультидисциплинарлық форум» атты халықаралық ғылыми-практикалық конференция өтті.
«Метаболикалық бұзылыстар және жүйке жүйесі» атты ғылыми сессия аясында медицина ғылымдарының докторы, жоғары санатты гастроэнтеролог, гепатолог, профессор, С. Д. Асфендияров атындағы ҚазҰМУ гастроэнтерология кафедрасының меңгерушісі Александр Витальевич Нерсесов «Гепатология мен неврология түйіскен тұстағы бауырлық энцефалопатия» тақырыбында баяндама жасады. Ол өз сөзінде бауырлық энцефалопатия бауыр жағдайы, метаболикалық үдерістер мен орталық жүйке жүйесінің қызметі арасындағы тығыз байланысты айқын көрсететін мысал екенін атап көрсетті.
Сондай-ақ мұндай пациенттерді тиімді басқару мультидисциплинарлық тәсілсіз мүмкін еместігіне ерекше назар аударылды. Оған гепатологтар, гастроэнтерологтар, неврологтар және басқа да мамандардың қатысуы когнитивтік бұзылыстардың ерте белгілерін дер кезінде анықтауға, метаболикалық бұзылыстарды түзетуге және аурудың болжамын жақсартуға мүмкіндік береді.
Конференцияның серіктесі ретінде шараға PRO.MED.CS Praha a.s. компаниясы қатысты. Компания медицинадағы мультидисциплинарлық тәсілді дамытуды жүйелі түрде қолдап келеді, дәрігерлерге арналған білім беру жобаларына қатысады және заманауи ғылыми деректерді клиникалық тәжірибеге енгізуге ықпал етеді.
Осындай бастамаларды қолдау кәсіби қауымдастықты нығайтып, пациентке жүйелі көзқарасты дамытуға мүмкіндік береді. Себебі мұнда бауыр мен ми бір-бірімен тығыз байланысты біртұтас жүйе ретінде қарастырылады.